O xogo galego FanDanz, anÃmanos a bailar co móbil
mércores, 25 de xuño do 2014
- O xogo xa está dispoñible para móbiles con Android
Dende
a aceleradora coruñesa de empresas tecnolóxicas Zarpamos levan meses a
traballar nunha aplicación para dispositivos móbiles que busca converter ao
móbil na nosa parella de baile, animándonos a menear o corpo coas nosas
cancións favoritas e retar aos nosos amigos para ver que move mellor o
esqueleto. Estamos ante un desenvolvemento promovido por Juan Ignacio Bagnato,
que responde ao nome de FanDanz, que está
a dar os seus primeiros pasos na súa versión
para Android, agardando chegar máis adiante a iOS.
- Juan Ignacio Bagnato traballando no desenvolvemento de FanDanz
O xogo consiste en elixir unha canción almacenada no noso smartphone e movernos
logo, co móbil na man, ao ritmo da música, de xeito que conseguiremos máis
puntos canto mellor sexan os nosos movementos, na liña do que podemos ver en
xogos musicais de consola, pero levado a dispositivos móbiles, o que permÃtelle
chegar a un publico moito maior, facilita xogar en case calquera lugar e tira
proveito da compoñente social que supón retar aos amigos para ver quen consegue
a maior puntuación.
Para manter o interese no xogo, FanDanz permite ver os nosos progresos, subir
de nivel e superar máis de 40 retos, presentando tamén un raking para saber a nosa posición e os puntos totais que teñen os
nosos rivais. O usuario que mellor baile unha canción será considerado como o
seu TopDanzer, mentres que o que lidere as puntuacións dun artista determinado
conseguirá coroarse como TopFan.
- FanDanz é un dos proxectos acelerados en Zarpamos
VÃdeo promocional do xogo móbil