Ferrol acolle un seminario para aplicar a tecnoloxía máis avanzada ao sector naval
mércores, 2 de marzo do 2016
Hoxe
e mañá a
Xunta propón no CIS Galicia de Ferrol un seminario tecnolóxico no
que arredor dun cento de representantes do naval galego coñecerán o
pulo competitivo que a realidade virtual e aumentada e o Big
Data
(información masiva) poden achegar de xeito positivo ao sector. Na
inauguración do encontro, o director da Axencia Galega de Innovación
(GAIN), Manuel Varela, explicaba que a incorporación de tecnoloxías
avanzadas ligadas á fábrica intelixente é un factor estratéxico
dentro dunha industria na que se producen estruturas de gran tamaño.
“A
realidade virtual e aumentada permite incrementar a seguridade e a
eficiencia, minimizando o risco de erros de deseño e fabricación e
os seus custos. No naval, isto supón unha vía para liderar”.
Dicir
que estas xornadas teñen lugar ao abeiro do Shipbuilding 4.0, unha
proposta na que colaboran: o centro tecnolóxico Aimen, a Consellería
de Economía, Emprego e Industria traballa conxuntamente co sector
naval galego para
recuperar o liderado competitivo e tecnolóxico dos estaleiros
galegos no menor prazo posíbel. O obxectivo é contribuír de xeito
decisivo ao avance do sector impulsado pola Xunta. “Mediante
o Naval 4.0 investimos dous millóns de euros para que o naval galego
estea entre os líderes da revolución tecnolóxica do sector a nivel
internacional”, sinalou Varela.
A este seminario
asistirán representantes de empresas do naval e doutros sectores
afíns, de centros tecnolóxicos, das universidades e de varios
clústers no seminario.
A xornada de hoxe comezou
cun percorrido por tres demostradores tecnolóxicos específicos para
o sector naval, unha especie de prototipos deseñados para amosar en
vivo as posibilidades reais de varias tecnoloxías. Os participantes
coñeceron de preto un demostrador de composites e outro de
fabricación aditiva, que lles permitiron comprobar as vantaxes do
uso de novos materiais e de técnicas láser na fabricación de pezas
de embarcacións a gran escala.
O terceiro demostrador
trasladou os visitantes á cova de realidade virtual do CIS, na que
puideron contemplar a escala real a recreación dun sistema completo
de soldadura robotizada a partir dunha maqueta elaborada impresa en
3D. Nunha única demostración combinouse o coñecemento sobre as
vantaxes da realidade virtual e da impresión de maquetas en 3D
escalábeis nos procesos de deseño, capaces de reducir os elevados
custos que supón a produción de prototipos tanto en termos
económicos como de tempo.
O
seminario continuará mañá coa difusión e demostración das
vantaxes do software de xestión e do big
data –tecnoloxías de
almacenamento e manexo de enormes cantidades de datos–, un eido no
que a Xunta financia un nodo de computación que se porá ao servizo
do tecido empresarial galego nas vindeiras semanas a través do CIS,
en colaboración co Centro de Supercomputación de Galicia (CESGA).