Filmin e Vodafone TV celebran a semana do Orgullo coa mellor escolma de cinema LGTBI
venres, 29 de xuño do 2018
Filmin,
o catálogo-plataforma de cinema independente integrado en Vodafone
TV (dende ofrece un catálogo de máis de 10.000 títulos), vén
de sumarse a celebración da semana do Orgullo e faino da mellor
maneira posíbel: achegando unha colección de audiovisual sobre a
temática LGTBI. A escolma inclúe estreas absolutas (que non se
proxectaron con anterioridade en ningunha outra plataforma) como
McKellen: tomando partido e Out, filmes acabados de
estrear no certame Atlántida Film Fest.
Son,
en total, 50 títulos da devandita temática, todos eles compartindo
a arela común de visualizar e reivindicar a realidade das persoas
LGTBI. De feito, a escolma vén cun nome que fala por si só:
Orgullosos
e visíbeis.
Amais
das ditas estreas, a colección incorpora algúns dos éxitos máis
salientábeis dos últimos anos da devandita temática: Pride, A
vida de Adele ou O amor é estraño.
Filmin,
para quen non o saiba, é a canle en liña independente de meirande
éxito no mercado audiovisual do ámbito español. A día de hoxe
está integrada en Vodafone TV, cuxa oferta de contidos achega cinema
baixo demanda a través do seu videoclub (cinema do trinque -40 novos
títulos mensuais- e cinema de libraría -550 títulos simultáneos-),
canles lineais de cinema (Hollywood, TCM, Sundance TV, Somos) e
plataformas de contidos xa integradas como Netflix e HBO España. Os
seus 40.000 títulos dispoñíbeis simultaneamente nunha única
plataforma sitúan a proposta de Vodafone, en palabras da operadora,
“como a maior oferta de cinema e series do mercado español”.