Francisco Conde inaugura a nova sede de Ineo
mércores, 14 de maio do 2014
Esta mañá tivo lugar a inauguración da nova sede de Ineo,
a Asociación de empresas TIC de Galicia, situada no parque empresarial de Porto do Molle,
en Nigrán. O acto tivo un padriño de excepción, o conselleiro de
EconomÃa e Industria, Francisco Conde, que xunto co presidente de Ineo, Jorge
Cebreiros, e a delegada do Estado no Consorcio Zona Franca de Vigo (CZFV),Teresa
Pedrosa, foron os encargados de inaugurar formalmente as novas oficinas da
Asociación. Os tres estiveron acompañados por destacadas personalidades de
todos os ámbitos económicos e empresariais da Comunidade, e por suposto, do
sector TIC, que contou cunha ampla representación de empresas socias.
Asà mesmo, Ineo convocou tamén este mediodÃa a reunión do seu Conselo
Consultivo, unha cita que ten como obxectivo informar os membros deste do
desenvolvemento das actividades da asociación durante o ano para, nesta mesma
reunión, facer unha reflexión conxunta sobre as necesidades que tanto o sector
TIC, coma outros sectores e a sociedade en xeral teñen do sector TIC, para asÃ,
definir e revisar as liñas estratéxicas de Ineo para 2014.
Conde, socio de honra de Ineo, asistiu a esta reunión do Conselo
Consultivo para trasladar os membros do órgano asesor da Asociación de empresas
TIC de Galicia a estratexia da Xunta para o estÃmulo da
reindustrialización do sector, asà como as polÃticas de apoio na adopción de
TIC para mellorar a produtividade doutros sectores.
Tras a xuntanza, o conselleiro realizou unha visita guiada pola
presidenta do Consello Consultivo, Teresa Pedrosa, ás instalacións do
edificio onde se encontra situada a nova sede de Ineo.
O traslado de Ineo a Porto do Molle responde a
unha idea compartida entre o CZFV e o propio Ineo de
desenvolver un polo de innovación e emprendemento TIC co obxectivo de
impulsar o crecemento do sector, a través de desenvolvementos innovadores
compartidos entre empresas TIC, promovendo o emprendemento con base
TIC (ben mediante o desenvolvemento de novos produtos e servizos TIC, ben polo
desenvolvemento de ideas de negocio sostidas por ferramentas TIC) e a
compartición de coñecemento entre empresas TIC consolidadas e novas iniciativas
sobre a base de estratexias Win-Win.
A situación neste parque empresarial contribuirá notablemente a alcanzar estes
obxectivos, xa que será un gran laboratorio de ideas e de oportunidades para os
socios e un impulso para lograr un sector TIC máis dinámico, no que as empresas
consolidadas poderán apoiar as que están a empezar coa súa experiencia e know-how. Pola súa parte, os
emprendedores e as EBT, coas súas novas e orixinais formulacións,
achegarán a súa enerxÃa e creatividade, inxectando un sopro de aire fresco ao
sector para facer da innovación o motor de crecemento das TIC.