GALPon pecha o vindeiro 30 de novembro o seu ciclo formativo de software libre na Residencia Altamar
venres, 8 de novembro do 2013
Vai chegando ao seu remate o ciclo de obradoiros
mensuais que organiza en Vigo, na sede da Residencia Altamar, a
asociación GALPon. O remate destes Sábados Libres chegará o
vindeiro 30 de novembro, coa celebración da quinta xornada do ciclo:
o Obradoiro:
VIM + Bash - Programación de bash scripting (II), unha
continuación da actividade divulgativa de introdución a estes
recursos desenvolvida o pasado mes de setembro. O obradoiro do dÃa
30 celebrarase na dita residencia de Vigo con horario de 10:00 a
14:00 e de 16:00 a 18:30 horas, o sábado 30 de novembro.
Igual ca nas anteriores citas do ciclo, a participa
e asistencia é de balde, aberta ao público en xeral e co único
requirimento de ter formalizada a inscrición na
páxina do evento en Google Plus. A programación da xornada
inclúe unha serie de achegas sobre o uso avanzado de VIM (lapelas,
extensións, configuracións, etc) e o uso avanzado de Bash (funcións
versus alias, engadir opcións, expresións regulares ou globbing,
operacións con variábeis, etc). Lembrar que VIM é un editor de
textos e programación compatÃbel con múltiples sistemas
operativos, e Bash é un programa informático libro que basea unha
boa parte da súa funcionalidade na posibilidade de interpretar
ordes. É polo tanto un intérprete de comandos habilitado por
defecto na meirande parte das distribucións GNU con Linux.
Esta actividade forma parte das actividades que
GALPon realiza ao abeiro do convenio de colaboración asinado coa
Axencia para a Modernización Tecnolóxica de Galicia (AMTEGA),
e incluÃdas no Plan
de Acción de Software Libre 2013 da Xunta de Galicia.