Galiciadixital abre o ano no Campus de Ourense
luns, 12 de xaneiro do 2009
Un ano máis, a
exposición itinerante Galiciadixital emprende o seu percorrido polas
principais vilas galegas, ás que se achega para mostrarlle á cidadanÃa o
audiovisual e o multimedia realizados por empresas e universidades galegas, ao
tempo que serve de plataforma de experimentación de novos sistemas e contidos
realizados por institucións e empresas da nosa terra.
Esta réplica da
exposición permanente Galiciadixital situada no Mosteiro de San Martiño Pinario
de Santiago de Compostela inaugurouse esta mesma mañá na Facultade de Historia
do Campus Universitario As Lagoas de Ourense e ao acto asistiu o director xeral
de Comunicación Audiovisual, Manuel José Fernández Iglesias, mailo vicerreitor
do devandito Campus, Juan Francisco Gálvez Gálvez, entre outras personalidades.
Galiciadixital
inicia o 2009 avalada polo éxito de convocatoria que tivo no pasado ano onde máis
de 27.000 persoas a visitaron.
A mostra, unha converxencia
entre arte e tecnoloxÃa, está pensada para que os visitantes non sexan simples
espectadores e participen en todo o seu percorrido, tocando e experimentando
todo.
Proxeccións e
xogos en 3 dimensións, un canciño que fala galego, unha viaxe virtual polas
festas máis importantes da nosa comunidade... son algunhas das cousas que se
poden ver nesta peculiar exposición apta para todo tipo de público.
Completando a
exposición, a mostra 150 Anos de
Telecomunicacións e de Creación Literaria en Galego, fai un percorrido pola
historia do audiovisual en Galicia. Esta mostra está organizada pola Secretaria
Xeral de Comunicación e a Universidade de Vigo, en colaboración co CGAI e o Colexio
Oficial de Enxeñeiros de Telecomunicación de Galicia.
Esta exposición,
que é de balde, estará na Facultade de Historia do 12 ao 16 de xaneiro, con
horario de 10:00 a 14:00 e de 17:00 a 20:00 horas.