Google Earth ábrese á web xeográfica

O programa Google Earth, que permite ver imaxes aéreas de todo o mundo cun detalle impresionante, permite a integración de distintos contidos mediante capas gráficas que se superpoñen ás imaxes, e acaba de incorporar a que dán en chamar Geographic Web, que é un machuco de contidos da Wikipedia, de Google Earth e de Panoramio.
Deste xeito, cando un se achega dende o Google Earth a unha poboación pode ver información relativa a tales lugares extraída dos servizos web devanditos, polo que serve para coñecer a historia dun lugar ou mesmo para ver fotografías tomadas en tales sitios.