Google detalla as buscas que máis medraron en 2021
xoves, 9 de decembro do 2021
Cando se aproxima o remate do ano Google
fai un balance do máis buscado nos últimos 12 meses, deixando claro que os
Xogos OlÃmpicos levaron a que prestásemos atención a deportistas que medraron
considerablemente en buscas, sendo especialmente salientable dende Galicia que
Ana Peleteiro conseguise a 5ª posición nas buscas relativas ao mundo do
deporte.
Nas buscas xerais o deporte foi o grande protagonista, só superado pola
información meteorolóxica, acaparando 7 das 10 buscas de maior crecemento en
2021, deixando as posicións 6 e 7 ao volcán da Palma e á Bonoloto
respectivamente.
Nas buscas relativas a cine, televisión e series durante 2021 resulta especialmente
rechamante o feito de que a busca máis prominente fose a de Tokyvideo, unha
plataforma de vÃdeos en liña que durante os últimos meses empregouse moito para
acceder a copias de telenovelas turcas dobradas ao español antes da súa emisión
en España, de xeito que o fenómeno que supuxeron as series turcas no
audiovisual notouse máis polo seu consumo irregular que polas buscas naturais,
que previsiblemente son reducidas, xa que non son materias que leven á
realización de consultas na Rede.
A maiores, Google tamén recolle buscas sobre cuestións (como, cando e por que)
entre as que destacaron detalles como o Black Friday, os partidos da Selección
Española, as vacinas, as erupcións volcánicas, as subas das tarifas eléctricas
e incluso as caÃdas de WhatsApp, sendo especialmente rechamante estas últimas
consultas, xa que os fallos de WhatsApp foron moi puntuais, polo que podemos
entender que o volume de consultas foi desproporcionado, xa que en poucas horas
conseguiron coar o tema entre o máis buscado do ano.
- As tendencias nas buscas en 2021 achegan resultados moi interesantes