Hack A Boss estrea un sistema de financiamento formativo sen intermediarios
venres, 22 de abril do 2022
Hack
A Boss, a escola coruñesa de programación, vén de compartir os
seus novos avances en materia de formación accesíbel e flexíbel:
unha fórmula que vai máis alá das circunstancias económicas e de
dispoñibilidade das persoas destinatarias. Co obxectivo de achegar
os seus contidos a calquera persoa, “sen importar as súas
circunstancias económicas”, a escola ofrece un sistema de
financiamento sen intermediarios, prescindindo das entidades
financeiras.
“É
a mellor forma de demostrar que estamos convencidos da formación que
ofrecemos e do seu nivel de empregabilidade”, afirman. Este modelo
será aplicado integralmente na nova edición da súa bootcamp
que comeza en maio.
Con
esta iniciativa, Hack A Boss será quen financie os estudos dos
futuros programadores e programadoras, quen só devolverán este
importe unha vez atopen traballo. Deste xeito, non existen entidades
financeiras intermediarias, salientan. “Cando as persoas que
reciben a nosa formación atopen traballo e cobren máis de 16.000
euros brutos anuais, a cota é de 170 euros ao mes. No caso de que
queden sen traballo ou diminúa o seu soldo, os cobros deteríanse
ata que atopen un emprego nas mesmas condicións”, sinalan desde a
escola coruñesa.
Como
dixemos, o alumnado poderá beneficiarse deste financiamento para o
próximo bootcamp de formación, que comeza o próximo 2 de
maio. A escola ten aínda abertas as inscricións á nova edición,
aínda que as vacantes son limitadas. D