Izquierda Unida elixiu a súa sintonía electoral en MySpace

Continuando a súa aposta polas TIC, Izquierda Unida elixiu a súa sintonía electoral para os vindeiros comicios a través de MySpace, recibindo máis de 50 composicións para tal fin, que despois votaron membros da comunidade e resultando seleccionado o tema Fiesta do compositor Yamel Romero, e que se pode escoitar no seu propio espazo no portal social.
Esta é a primeira vez que en España se escolle unha sintonía electoral mediante esta fórmula, e dende IU están moi satisfeitos co resultado acadado.
De tódolos xeitos, cómpre destacar que os resultados de IU na Internet están a ser bastante modestos, cun máximo de máis de 10.000 visitas diarias na web gasparllamazares.es e unha participación cidadá bastante limitada no blog do candidato (que recibe moi poucos comentarios en cada entrada, para ser un espazo con grande repercusión nos medios de comunicación tradicionais).