League of Legends supera os 15 millóns de usuarios en 18 meses
mércores, 27 de xullo do 2011
Riot
Games anunciou o fin da primeira tempada de League
of Legends, xogo en rede que logrou
superar os 15 millóns de rexistros, 4 millóns de xogadores activos ao mes e
unha media de 1,4 conexións ao día, chegando a concentrar a medio millón de
usuarios ao mesmo tempo en EE.UU. e Europa, de aí que non sorprenda que o
xerente da compañía asegure que “estamos extremadamente
orgullosos e agradecidos ás comunidade de seguidores de League of Legends que
medrou substancialmente durante o último ano e medio”. Engadiu que van a seguir
a traballar en incorporar novas características e contidos, á vez que pulirán
os defectos do xogo.
Actualmente o xogo está operativo en Norteamérica e Europa, pero prepara o seu
espallamento a China, o sueste asiático e outras rexións no que queda de ano. Nos
18 meses de vida do xogo conseguiu auténticas marcas impresionantes como:
máis dun millón de partidas ao día (a meirande parte de 2 equipos de 5 xogadores)
3,7 millóns de horas xogadas ao día
6 millóns de páxinas vistas ao día na web oficial do xogo
1,4 millóns de seguidores do xogo a través de Facebook
preto de 100 millóns de reproducións dos seus vídeos en YouTube
máis de 1.690.000 espectadores na retransmisión en liña do campionato da primeira tempada do xogo (que chegou aos 210.000 espectadores simultáneos).
- Un dos xogos en rede máis empregado durante o XGN foi o League of Legends