Liberan preto dun millón de iPad 2 e iPhone 4S en 3 días
martes, 24 de xaneiro do 2012
Pese a que o iPhone 4S e o iPad 2 leven moito tempo no
mercado, non foi ata a pasada fin de semana cando liberouse un método que
permitía abrir o seu sistema operativo, o iOS 5.0.1 para a instalación de
aplicacións non asinadas e para poder realizar diferentes modificacións do
funcionamento do mesmo (como engadir funcións á pantalla de desbloqueo ou integrar
atallos a distintos axustes), no que se coñece coma jailbreak (práctica considerada legal, pero que pode invalidar a
garantía dos produtos). Para esta operación é preciso empregar unha ferramenta
chamada Absinthe A5, e tal era a expectación pola mesma que nos seus 3
primeiros días empregouse
en preto dun millón de dispositivos (repartido case a partes iguais entre
móbiles e tablets). Espérase que este
número véxase incrementado de xeito considerable nos vindeiros días, pois a
aplicación de jailbreak tardou en
contar cunha versión para Windows, o que claramente supuxo un atranco para a
súa popularización.
Ás presas pola liberación dos dispositivos con iOS 5.0.1 veñen en boa medida do
anuncio de que a vindeira versión do software dos dispositivos de Apple, o iOS
5.1, xa na súa versión de proba, corrixe o fallo de seguridade que facilita o jailbreak con Absinthe A5, polo que o
iOS 5.0.1 podería ser a versión coa que quedasen conxelados por uns meses os
dispositivos móbiles de Apple que queiran estar libres do control da compañía
de Cupertino.