Librofilia.com: nova rede social para apaixonados da lectura
venres, 12 de setembro do 2008
Moitas veces se teñen queixado os seareiros dos libros en xeral de que teñen pouca xente ao seu alcance a quen romperlle a cachola coas súas recomendacións e coas súas crÃticas. A Rede, en certa maneira, e máis concretamente a Rede 2.0 (o novo chanzo participativo que está xa a solaparse co seguinte paso a dar, o 3.0, o semántico) estalles a botar unha man, tanto a eles coma a todos e todas os que teñan calquera tipo de hobby e estean a devecer por compartir experiencias. A idea dos novos espazos web que están a abrollar arredor das artes, e neste caso concreto da literatura, é ir alén de achegar un simple taboleiro ou punto de encontro.
O que se pretende acadar é unha rede social en toda regra, e por aà vai precisamente Librofilia.com, unha web que se está dando a coñecer e que inclúe serias posibilidades de crear comunidade e, todo iso, achegándolle aos lectores internautas unha base de datos de libros que arestora anda a rentes do medio millón de volumes.
Esta escolma de obras, que parte dos alicerces subministrados polo catálogo que ten o Ministerio de Cultura de obras publicadas en español, está suxeita (como boa rede social en liña que é) ás incorporacións que desexen facer os usuarios do servizo en cuestión. Librofilia.com, que comparte un pouco o espÃrito de Filmaffinity (web na que se substituÃu a figura do crÃtico único facilitando unha soa crÃtica por pelÃcula pola dunha comunidade de seareiros do cine subministrando cualificacións que logo se converten en promedios), leva só un mes en aberto, pero xa conseguiu deixar atrás a cifra do milleiro de usuarios rexistrados. Na páxina web, como se pode supoñer, non só é posible levar a cabo votacións ou propostas de libro para que os demais acheguen os seus propios puntos de vista, senón tamén deixar notas persoais nos libros, participar en foros ou entrar en contacto con persoas cos mesmos gustos.