Marín activa dúas páxinas que permiten aos internautas coñecer mellor o seu patrimonio
martes, 17 de agosto do 2021
O
Concello
de Marín vén impulsar dúas páxinas web para dar a coñecer o
patrimonio e a historia local. En concreto, o obxectivo é
“permitir que nos asomemos ao pasado de Marín”, achegándonos
dúas oportunidades inmellorábeis para comprender a vila tal e como
é hoxe en día e como mudaron as cousas ao longo dos séculos.
Nas
dúas páxinas catalóganse, ordénanse e xeolocalízanse dous tipos
de elementos patrimoniais que “definen a estrutura sociolóxica de
Marín”. Trátase das fontes e os lavadoiros. As web en cuestión
son www.fontesdemarin.com
e www.lavadoirosdemarin.com.
Grazas
a elas, é posíbnel consultar preto de 130 elementos do patrimonio
local cunhas fichas multimedia nas que se inclúe unha galería
fotográfica, unha imaxe 360, a xeolocalización e unha pequena
descrición.
Ambas
actuacións fixéronse con cargo a unha subvención da Deputación de
Pontevedra e, ademais da sinalización dixital, supuxo a renovación
de toda a sinalética física, que agora, en palabras do Concello,
“conta cunha estética armónica e que adaptada á contorna, con
materiais madereiros”.
Desde
o Goberno local consideran que “este tipo de iniciativas achegan o
patrimonio histórico da vila a todos aqueles interesados no
municipio, non só á veciñanza, polo que poden converterse nun polo
de atracción máis para os visitantes interesados en realizar un
tipo de turismo cultural”.