Mattel comercializa unha Barbie deseñadora de videoxogos
venres, 17 de xuño do 2016
Hai uns anos a colección I
Can Be de Barbie, coa que buscaban amosar que as mulleres podían desempeñar
multitudes profesións que van dende dentista a presentadora de televisión, sorprenderan
cunha Barbie enxeñeira informática,
que presentaba unha estética bastante rechamante, e que rematou dun xeito
extraordinariamente errado cun libro no que contábase a
historia detrás desta enxeñeira tan funky,
que resultaba ser unha oportunista que non só infecta o seu equipo informático e
o da súa irmá cun virus informático, senón que para salvar a situación ten que
recorrer á axuda dos mozos, para
rematar quedando ela con todo o crédito. Claramente un horrible exemplo par as
rapazas de todo o mundo.
Pero dende Mattel non se dan por vencidos, e dentro da colección Barbie Carreers teñen agora a Barbie
deseñadora de videoxogos, que presenta unha aparencia máis desenfadada que
a meirande parte das bonecas Barbie, vestindo camiseta, chaqueta, pantalóns
vaqueiros e calzado deportivo, e lucindo tamén un pelo de cor vermello e unhas
grandes lentes. Como accesorios gamer
esta Barbie conta cuns grandes auriculares con micrófono, unha tableta e un ordenador
portátil (que intenta emular a aparencia dun equipo no que estean a desenvolver
un videoxogo).
Iso si, desta volta si parecen argumentar ben o atractivo profesional do
desenvolvemento de videoxogos, xa que na caixa da boneca aseguran que “o
desenvolvemento de videoxogos implica narrativa, deseño gráfico, deseño sonor e
programación informática”, salientando que tamén precisa de traballo en equipo,
creatividade e coñecementos de tecnoloxía, matemáticas, narrativa e arte. Temos
así que venden bastante ben esta
profesión tradicionalmente tan masculina para evitar o rexeitamento do público
feminino.
- Casey Fiester comparte en Flickr diversas fotografías da Barbie deseñadora de videoxogos