Microsoft ingresou 21.456 millóns de dólares no último trimestre

Microsoft vén de dar a coñecer os seus resultados económicos trimestrais, conseguindo un volume de negocio record cuns ingresos de 21.456 millóns de dólares (cuns beneficios de 6.377 millóns) o que supón un incremento interanual de 500 millóns de dólares, grazas en boa medida polo lanzamento de Windows 8 e a fortaleza de Windows Phone 8 (que está a vender 4 veces máis que Windows Phone 7).
A división de Windows é claramente a que mellor está a funcionar en Microsoft na actualidade, mentres que, por exemplo, a división de lecer, está a decaer, o que resultaba predicible, pois a Xbox 360 está a vivir o seu fin de ciclo, agardándose que este mesmo ano presente a súa sucesora, polo que é de agardar que no vindeiro exercicio os ingresos de tal división volvan medrar, converténdose nun dos piares da compañía que, pese a ter pouca experiencia no sector dos videoxogos, conseguiu facer fronte a xigantes como Sony e incluso superalos en mercados como o norteamericano.