Microsoft maniféstase contra o canon dixital
xoves, 26 de xullo do 2007
- Rosa María García, actual presidenta de Microsoft Ibérica
A presidenta de Microsoft Ibérica, Rosa
María García, manifestou que a súa empresa está contra o canon dixital
porque non consideran axeitado tomar unha medida que chama “presuntamente ladróns” ós seus usuarios.
García incluso menciona que se cobrasen ós seus clientes tódalas licenzas
instaladas duplicarían a súa facturación, o que sería moi positivo para a
empresa, que podería mellorar o seu cadro de persoal e a súa atención ós
clientes, pero coidan que o xeito de regular a situación debe basearse na
educación que faga que os usuarios respecten a propiedade intelectual do mesmo
xeito que fan coa propiedade física, e coas forzas policiais (que perseguen a
quen infrinxe a lei) pero non incorporando taxas indiscriminadas.
Hai que indicar que a piratería é algo que afecta de xeito importante a
Microsoft, polo que estas manifestacións suman oposicións a un canon que só
parecen apoiar dende as asociacións de xestión de dereitos de autor (como a
SGAE), que por outra banda son os beneficiados destas cargas económicas a
produtos de electrónica de consumo (mentres que a piratería de software, aínda
máis afectada que a industria musical, non recibe compensación de ningún tipo).