Microsoft ofrece unha versión preliminar do seu novo Office para Mac
venres, 6 de marzo do 2015
Nos últimos anos o paquete ofimático de Microsoft chegaba a
ordenadores de Apple un ano despois que para PC, para quedar logo conxelado o
produto, de xeito que tras Office 2013 para PC non chegou Office 2014 para Mac,
o que finalmente vai solucionarse dun xeito que agradecerán os usuarios de OS
X, xa que no segundo semestre do ano estrearase un novo Office para Mac, ou
sexa, que Windows e OS X sincronizarÃan as súas versións.
Para que os usuarios poidan comezar a experimentar co novo paquete ofimático de
OS X Microsoft vén
de lanzar unha versión preliminar que pode empregarse de balde, e que
contará con actualizacións periódicas, de xeito que nos vindeiros meses
poderase comprobar en primeira persoa como este software ofimático evoluciona
até converterse nunha aplicación de escritorio digna das actuais pretensións de
Microsoft, que quere deixar os sistemas operativos nun segundo lugar,
priorizando a nube e o contorno móbil. De feito, a renovación de Office para
Mac promoverá a contratación do servizo Office 365, para que os usuarios subscriban
un servizo anual (que, aparte do software, tamén inclúe almacenamento en
OneDrive e minutos en chamadas a teléfonos a través de Skype) garantindo que
terán sempre a última versión das aplicacións estrela de Microsoft.
A versión preliminar de Office para Mac é compatible cunha versión anterior de
Office 2011, de xeito que pode probarse o novo software podendo recorrer ás
anteriores aplicacións para as tarefas máis importantes (nas que non se queira
correr o risco de empregar software de proba).
AÃnda que xa van 5 anos dende o anterior Office, a nova versión preliminar non
cambia radicalmente a súa interface de usuario, senón que limÃtase a unha
actualización máis suave, evitando asà o rexeitamento dos usuarios (como ten
acontecido en cambios importantes do Office, como cando adoptaron a interface ribbon), pero facilitando que, como
acontece en Office 2013 para Windows, os equipos con OS X poidan gozar dunha
solución ofimática máis orientada á nube, o que resulta especialmente atractivo
agora que hai aplicacións oficiais deste software para smartphones e tabletas
(polo que empregar OneDrive supón poder acceder aos documentos dende distintos
dispositivos).