Mozilla abandona os móbiles con Firefox OS
mércores, 9 de decembro do 2015
Durante
a celebración dun evento para desenvolvedores de Mozilla en Orlando, Mozlando,
realizouse un anuncio que non deixa de ser a simple aceptación da realidade: Mozilla deixará de
ofrecer teléfonos con Firefox OS a través de operadores. É o propio Ari
Jaaksi o que anuncia tal, deixando claro que aínda que “Firefox OS demostrou a
flexibilidade da web, escalando dende smartphones de baixa gama até televisores
de alta definición”, fracasaron á hora de ofrecer a mellor experiencia de
usuario, polo que decidiron cesar a súa distribución a través de compañías de
telefonía móbil.
Lembremos que un dos primeiros fabricantes en comercializar smartphones con
Firefox OS foi a
compañía española Geeksphone, que botou o peche o pasado
verán, deixando claro que este tipo de terminais non lograron callar no
mercado, en boa medida por non conseguir ser tan económicos como pretendían, e
por carecer de utilidade en moitos mercados pola ausencia de aplicacións
consideradas como imprescindibles (como WhatsApp).
Non estamos ante a morte de Firefox OS, senón nunha reorientación do proxecto,
que mirará
agora cara a emerxente Internet das Cousas.
