Musk converte nunha fraude a marca azul de Twitter
venres, 21 de abril do 2023
Na tarde de onte Twitter
eliminou o selo de verificación azul dos usuarios que non están subscritos a
Twitter Blue e, de feito, o centro de axuda de Twitter recolle que «a
marca de verificación azul significa que a conta ten unha subscrición activa a
Twitter Blue e cumpre cos requisito de elixibilidade» detallando que o único
xeito de reter o check azul por parte das contas verificadas con anterioridade
é subscribirse a Twitter Blue.
Esta cambio fai que para o usuario final a marca azul xa non sexa unha
verificación de nada, pois non indica nin relevancia nin autenticidade, sendo
bo signo diso que aproximadamente a metade dos subscritores de Twitter Blue
teñen menos dun milleiro de seareiros, e a meirande parte das figuras públicas
decidiron non pasar polo aro de Elon Musk, de xeito que pese a ter millóns de
seareiros están agora sen a marca azul xunto ao seu nome de usuario.
A desfeita está a ser total, e incluso o Papa Francisco quedou sen a marca (que
tras transcender aos medios corrixiron etiquetándoo como unha organización
gobernamental), pero o máis rechamante de todo foi que algunhas contas
claramente opostas a pagar por Twitter Blue presentaban agora a marca azul asegurando
que estaban subscritas ao servizo. Falamos concretamente de casos como o de William
Shatner, LeBron
James e Stephen
King, que criticaran enerxicamente a intención de Musk de cobrar pola marca
azul, polo que sorprendÃa enormemente que agora a conservasen.
Stephen King foi un dos primeiros en desmentir que
se subscribira a Twitter Blue e que teña un número de teléfono verificado por
Twitter, segundo reza a súa marca azul actualmente, e un editor de The
Verge confirmou que LeBron James recibiu un
e-mail dun traballador de Twitter ofrecéndolle unha subscrición patrocinada por
Elon Musk, oferta que rexeitou, o que non evitou que agora Twitter faga
publicidade de tal suposta subscrición.
A explicación a este caos chegou cando o propio Elon
Musk publicou que pagara el persoalmente a subscrición a Twitter Blue dunhas
poucas contas de usuario, o que poderÃa chegar a considerarse unha fraude,
xa que Twitter está a indicar que certas celebridades están subscritas a un
servizo de pagamento aproveitándose da súa sona para que outros usuarios se
subscriban, o que é un claro exemplo de publicidade enganosa.
Que a marca azul perda completamente a confianza dos usuarios, pero indicar adhesión
a un servizo de pagamento de xeito fraudulento fai que a situación sexa aÃnda
peor, simbolizando a desesperación de Musk, os seus poucos escrúpulos e, unha
vez máis, o seu desprezo pola legalidade.
Medios públicos
O conflito con numerosos medios públicos que Twitter etiquetaba como propaganda gobernamental chegou á súa fin, sen que se reformulase o sistema de etiquetas para indicar a dependencia dos medios de fondos públicos, simplemente eliminando as polémicas etiquetas de medios como a BBC, PBS, NPR, RTVE, TV3 e moitos outros, aplicando asà as normas establecidas por Twitter antes da chegada de Musk, que diferenciaba os medios propagandÃsticos como os auspiciados polo Goberno ruso de medios públicos con independencia editorial.