Naruto terá un novo xogo para Nintendo 3DS en marzo

No xogo poderemos reproducir os ataques especiais propios de Naruto e Lee

Namco Bandai anuncia que o vindeiro 8 de marzo porá á venda en Euroap o xogo Naruto Powerful Shippuden para Nintendo 3DS, desenvolvido por Inti Creates coa axuda de CyberConnect2, que levará ao videoxogo a nova serie de animación Rock Lee & His Ninja Pals (serie derivada de Naruto) adoptando a fórmula la loita en desprazamento horizontal controlando a Naruto Uzumaki e Rock Lee nas súas versións caricaturizadas, e conservando as súas técnicas de loita máis características.
O xogo terá unha mecánica sinxela que facilitará a achega de público de todas as idades, desenvolvendo numerosos combates ninja a través de campos de adestramento, bosques e montañas, tanto nun modo historia como nun modo de batalla sen fin. Tamén farán acto de presenza personaxes coñecidos polos seareiros de Naruto, como Kakashi, Sakura, Gaara e moitos outros. Sen dúbida, un xogo moi recomendable para os seguidores das aventuras de Naruto que queiran divertirse sen ter que seren expertos en xogos de loita.