Noia estrea pantalla con información municipal na rúa Rosalía de Castro
xoves, 10 de febreiro do 2022
Esta
semana a vila de Noia tivo ocasión de estrear un punto de
información municipal innovador de utilidade para a cidadanía e
para o tecido empresarial local: unha nova pantalla dixital Signage
emprazada no centro da vila, na rúa Rosalía de Castro, a carón do
Instituto Virxe do Mar de Noia, dende que se achegarán datos de
interese (actividades culturais, campañas comerciais, promocións,
avisos, reclamos) a veciños e visitantes.
A
pantalla
foi inaugurada polo alcalde Santiago Freire e a concelleira de
Comercio, Laura Salgado, xunto con Mari Carmen Vázquez e
Francisco Pérez, representantes da Asociación
Noia Historia. Trátase, en palabras do Concello, “dun punto de
información para toda a cidadanía, así como un espazo para a
promoción das nosas empresas”. O Goberno local e a patronal
quixeron agradecer ao Instituto Galego de Promoción Económica
(IGAPE) a súa colaboración para poñer en marcha esta nova
ferramenta. Noia Histórica debullou en catro puntos as
características principais da pantalla:
-Un
punto de información novidoso e dinámico.
-Un
espazo de promoción para empresas.
-Un
motivo máis para pertencer a Noia Histórica
-Un
plus para Noia.