Numerosos afeccionados á informática xúntanse na Estrada nunha festa de seu
venres, 7 de decembro do 2012
A Estrada está a acoller dende onte e ata o domingo a novena edición da Kutruparty, encontro
informático que xunta a ducias de mozos afeccionados á informática e ao lecer
electrónico nos pavillóns da Fundación do Mobile.
O encontro organizado pola asociación AUSLAE conta cun programa de actividades
moi completo, con numerosas accións de carácter lúdico tanto no recinto para os
participantes inscritos como no escenario Extranet.
Deste xeito, contan con torneos de League
of Legends, Counter Strike: Global Offensive, StarCraft 2, FIFA 13,
concursos para pór a proba os coñecementos cinematográficos dos asistentes e a
súa habilidade na dobraxe, probas de destreza con aplicacións informáticas de
retoque fotográfico e de vÃdeo, obradoiros e concursos de deseño de gráficos en
2D e 2D, etc. Amais do devandito, tamén hai espazo, unha vez máis, para dar
acubillo ao KUBO, unha área especÃfica para consolas Wii, Play Station 3, Xbox
360, consolas consideradas clásicas e unha réplica de máquinas recreativas.
Este ano a organización reforza a vertente didáctica do encontro, cun
emprazamento habilitado como obradoiro e como laboratorio informático. Este
contorno, chamado HackConf, serve entre outras cousas para acoller charlas,
relatorios e talleres prácticos como os que citamos de seguido:
· Arduino, plataforma de hardware libre para iniciarse na programación de
robots e automatización.
· Construción dunha máquina recreativa, creación da nosa propia consola.
· Linguaxes de programación
· Virtualización.
· Seguridade básica (contrasinais, conexións sen fÃos...)
· Desenvolvemento de videoxogos.
· Community Manager: consellos e trucos para formármonos nunha profesión
de moda, o xestor de comunidades e la importancia de saber relacionarnos nas
redes sociais.
· Impresora 3D (contarase cunha impresora 3D montada polos membros de AUSLAE
desde cero).
Na Extranet, un espazo-recinto alternativo para
actividades participativas que non teñen relación directa coa informática
contase con contidos como:
· Origami, creacións en papel
· O Muro, panel de varios metros onde se poderá dar renda solta á arte grafiteira.
· Lanzamento de disco.
· Lanzamento de avións de papel.
· Pachangas futbolÃsticas no pavillón Coto
Ferreiro.
· Ciclo de cinema alternativo, con auténticos subprodutos cinematográficos.
· Campionato de póker.