O 60% dos profesionais da información din que as redes sociais prexudican os medios tradicionais
xoves, 10 de novembro do 2011
Os estudos sobre as redes sociais (que si son
boas, que si son malas), chegan á Rede de xeito ininterrompido. O curioso do
caso é que os datos positivos altérnanse cos negativos coma se tal cousa. Entre
estes últimos sitúanse (con matices) os que se extraen do estudo O profesional da información na era 2.0
que veñen de presentar, man a man, a axencia de comunicación AxiCom e máis a Asociación Nacional de Empresas de Internet.
Entre as conclusións que se extraen do informe figura unha opinión preocupante,
en crecemento, dos profesionais da información acerca das novas redes: seis de
cada dez opina que estas canles teñen influÃdo de xeito negativo nos medios de
tipo tradicional.
Asemade, un cada catro asegura que as redes
sociais practicamente lle viñeron por obriga profesional e máis da metade
opinan que o papel destes recursos está sobrevalorado, engaden os autores da
investigación. Con todo, e como soe acontecer nestas cousas da Rede, que son
coma a vida mesma (nin negras nin brancas), hai elementos positivos. Segundo
din, arredor dun 87% dos profesionais da información si que teñen en boa estima
aos blogs no que se refire ao panorama mediático.
E, malia todo o devandito, o 90% dos
enquisados opina o mesmo das redes sociais, cousa que se contradà un pouco co
dato co que abrimos pero que pon ás claras a enleada que se está a formar sobre
as vantaxes e atrancos destes servizos 2.0, aÃnda por determinar en boa medida.