O CESGA introduce aos docentes no uso e posibilidades dos mapas interactivos
xoves, 21 de xuño do 2018
O
Centro de Supercomputación de Galicia (CESGA) vai organizar o 9 de
xullo, co CPI O Cruce de Cerceda (A Coruña) e coa colaboración da
Facultade de Ciencias da Educación da Universidade de Santiago, un
obradoiro de balde de nivel básico sobre o uso de mapas interactivos
e móbiles dirixido a docentes e persoas relacionadas coa docencia.
O taller, que terá unha duración de dúas horas e media,
artellarase en dúas sesións con 15 prazas cada unha, en horario de
9.00 a 11.30 horas e de 12.00 a 14.30 horas.
Quen
queira participar ten que formalizar a inscrición na conta de correo
e-learning@cesga.es. Ademais, quen desexe máis datos sobre a
actividade ten á súa disposición a
web da Aula do CESGA.
Entre
outros contidos, o obradoiro inclúe unha introdución ao SIX
(Sistemas de Información Xeográfica) e formación práctica sobre
os dispositivos móbiles e as súas capacidades para localizar e
capturar datos. Tamén se aprenderá o manexo da aplicación
educativa gratuÃta de PhenoloGIT (www.phenologit.org)
e o servidor de mapas (maps.phenologit.org),
que, como lembraremos, oriéntanse á recompilación en tempo real de
datos sobre especies naturais por parte dos estudantes. Por outra
banda, a actividade formativa tamén se centrará na análise e o
filtrado da información recompilada para o traballo na aula, en
aplicacións e exemplos de actividades a desenvolver na aula cos
datos obtidos, en ferramentas para usar na aula (creación e xestión
de contas de estudantes e profesores) e nas posibilidades avanzadas
do software de análise de balde QGis.
