O CITIC da UDC co-organiza as XV Xornadas de Enxeñaría Telemática
xoves, 21 de outubro do 2021
O
CITIC e a Sociedade Científica de Enxeñería Telemática organizan
este mes de outubro as XV Xornadas de Enxeñería Telemática,
unhas xornadas que achegan un espazo de debate e reflexión ao
servizo dos profesionais da docencia que investigan cuestións
ligadas ás redes e aos servizos telemáticos. As
xornadas JITEL 2021 desenvolveranse os días 27, 28 e 29 de
outubro de 2021.
Segundo
explica o CITIC, coa celebración deste evento “preténdese
fomentar, por unha banda, o intercambio de experiencias e resultados,
e, pola outra, a comunicación e cooperación entre grupos de
investigación que traballan en temas relacionados coa telemática”.
En
paralelo ás tradicionais sesións dos congresos científicos,
organizaranse actividades que estimulen o intercambio de ideas entre
o persoal investigador experimentado e novel. As xornadas serán
inauguradas o día 27 a primeira hora polo reitor da UDC, Julio
Abalde, polo director xeral de Telecomunicacións e Ordenación dos
Servizos de Comunicación Audiovisual da Secretaría de Estado de
Telecomunicacións e Infraestruturas Dixitais, Arturo Azcorra Saloña,
e polo director do Centro de Investigación en Tecnoloxías da
Información e as Comunicacións (CITIC), Manuel Francisco González
Penedo. A sesión de apertura tamén contará coa presenza do
presidente do comité do programa, Víctor Manuel Carneiro Díaz.