O CITIC da UDC recibe financiamento estatal para un proxecto de tecnoloxía inclusiva con ASPACE Coruña
mércores, 22 de xullo do 2020
A
Fundación Española para a Ciencia e a Tecnoloxía (FECYT),
dependente do Ministerio de Ciencia, Innovación e Universidades,
concedeu
ao Centro de Investigación TIC (CITIC) da UDC unha axuda de 30.000
euros no marco da convocatoria de axudas para o fomento da cultura
científica, tecnolóxica e da innovación. O proxecto leva por
título Mozos para unha tecnoloxía inclusiva: promovendo
solucións tecnolóxicas con e para estudantes de secundaria e
persoas con parálise cerebral – JÓVENES TECH-IN”.
A
iniciativa innovadora realizarase xunto coa entidade ASPACE Coruña,
asociación referencial en Galicia para a atención integral a
persoas con parálise cerebral.
Este
proxecto está liderado polo subdirector do CITIC, Javier Pereira
Loureiro, e a directora xerente de ASPACE Coruña, Sonia Ruiz Vargas.
A través del contémplase “a participación activa de estudantes
de instituto e persoas con discapacidade para resolver retos
tecnolóxicos de aplicación para mellorar a calidade de vida das
persoas con parálise cerebral”.
A
previsión é crear grupos de traballo formados polo alumnado de
diferentes centros educativos e polas persoas usuarias de ASPACE
Coruña, a quen se propoñerán diferentes retos relacionados coa
robótica e a Realidade Aumentada para a rehabilitación, o fogar
dixital e o desenvolvemento de actividades de ocio realizadas a
medida, entre outros.
Cómpre
salientar que o
CITIC e ASPACE Coruña acadaron recentemente un convenio de
colaboración a través da UDC, para consolidar a cooperación
existente entre ambas entidades, co “fin de promover relacións de
beneficio mutuo en materia de colaboración académica e mellorar as
actividades ás que ambas se dedican por separado e optimizar os
recursos”.
O
CITIC lembra que o labor solidario, inclusivo e social relacionado
coas tecnoloxías vai no seu ADN dende o comezo da súa andaina. De
feito, ten como principais obxectivos “potenciar o uso das
Tecnoloxías da Información e as Comunicacións por todos os
colectivos da sociedade atendendo á súa diversidade, promover e
favorecer o traballo conxunto entre organismos de persoas con
discapacidade, institucións comunitarias e universidades, así como
fomentar o desenvolvemento e uso das TIC orientadas a colectivos de
persoas discapacidade e familias, satisfacendo as súas necesidades e
expectativas”.