O CITIC participará esta semana no principal foro de innovación en España
martes, 11 de febreiro do 2014
- Imaxe da pasada edición do foro Transfiere
O CITIC, Centro de
Investigación en Tecnoloxías da Información e as Comunicacións da Universidade
da Coruña, participará desde mañá en Transfiere,
o foro máis importante da innovación en España que reunirá os días 12 e 13
de febreiro en Málaga aos axentes nacionais máis destacados de I+D+i e
representantes internacionais.
Durante estes dous días, o CITIC manterá encontros B2B
con diferentes empresas e representante da Administración para presentar os
proxectos de investigación nos que traballa o Centro na actualidade. É a
segunda ocasión na que participa, tralo éxito do ano pasado no que mantivo
reunións con diferentes organismos entre os que se incluíu o Concello de
Málaga, unha das cidades españolas nas que o proxecto SmartCity estase
desenvolvendo.
Segundo Jesús M. Díaz, Responsable de Promoción Tecnolóxica
do CITIC e representante do Centro en Transfiere, “un dos nosos principais
obxectivos é fomentar a transferencia tecnolóxica, facendo chegar ás empresas e
sociedade os beneficios das nosas investigacións. A participación nestes
foros é moi importante xa que nos permite dar a coñecer todas as nosas
capacidades, as nosas 12 Áreas Tecnolóxicas e os traballos que realizan os máis
de 250 investigadores adscritos ao CITIC”.