O CPETIG ultima os preparativos da cuarta Xornada de Informática Xudicial
luns, 8 de setembro do 2014
Será
no vindeiro mes de outubro, en concreto o día 10,
cando o Colexio Profesional de Enxeñaría Técnica Informática de
Galicia (CPETIG) revise polo miúdo os retos da xustiza perante a
sociedade 2.0 nun encontro que terá lugar na compostelá Cidade da
Cultura (Edificio CINC), estamos a falar da IV
Xornada de Informática Xudicial e Delitos Informáticos. Cómpre
dicir que esta actividade conta co patrocinio
da Xunta de Galicia, a través da Axencia
para a Modernización Tecnolóxica de Galicia (AMTEGA). Baixo o
epígrafe A xustiza ante a sociedade
2.0. Móbiles, nube, redes sociais e Big Data”
nesta nova edición o CPETIG quere continuar contribuíndo a
incrementar a eficiencia da administración xudicial, amosando aos
xuristas os beneficios da achega e uso das novas ferramentas
electrónicas no proceso xudicial e informando sobre os avances en
materia probatoria.
E
a quen vai encamiñada esta xornada? Pois a xuíces, maxistrados,
secretarios xudiciais, fiscais, avogados e xuristas en xeral, amais
de enxeñeiros en informática. Para os interesados, sinalar que o
formulario
de inscrición está xa dispoñíbel no microsite do evento.
Quen
asistirá a esta xuntanza? Baixo a dirección técnica do avogado
Víctor Salgado, a xornada contará coa participación de: Eloy
Velasco -xuíz da Audiencia Nacional- quen falará do novo escenario
xurídico-probatorio ante a ilegalización da directiva europea de
conservación de datos. O Tamén formará parte dos relatores: o
responsábel da conta de twitter da Policía Nacional (@policia),
Carlos Fernández, quen exporá o seu traballo de divulgación e
prevención en materia de menores e redes sociais. Outro asistente
será Raúl Siles, un dos principais expertos do mundo en seguridade
en redes informáticas, analizará a inseguridade á que nos
enfrontamos os usuarios de dispositivos móbiles e novas tecnoloxías.
Abrirá a xornada Jorge Campanillas, avogado especialista en dereito
das TIC que tratará sobre Big Data, o dereito á privacidade e a
proba electrónica. Jorge Martín, como inspector xefe da Comisaría
Xeral da Policía Científica, relatará o labor forense da Policía
Xudicial ante a nube e os dispositivos móbiles, mentres Julián
Valero-Torrijos, profesor de Dereito Administrativo, abranguerá o
marco normativo da Lei de Xustiza Electrónica. Asemade, un
representante do Centro Europeo contra o Cibercrime (EC3) da Europol
falará sobre a ciberdefensa perante as novas ciberameazas.
Para máis información sobre o programa
desta xornada, cómpre visitar a web habilitada.
Programa
Sesión
de Mañá
9:00
– Recepción e entrega de material
9:15
– Presentación (15’)
9:30
– 1º Relatorio (45’) – “Big Data, dereito á privacidade e
proba eletrónica” – Jorge Campanillas Ciaurriz (Avogado
especializado).
10:45
– 2º Relatorio (45’) – “O labor forense da Policía Xudicial
perante a nube e os dispositivos móbiles.” – Jorge Martín
García (Inspector Xefe do Grupo de análise de Software da sección
de informática forense, Ca Xral. de Policía Científica, Policía
Nacional).
11:30
– Café (45’)
12:15
– 3º Relatorio (45’) – “A ciberdefensa perante as novas
ciberameazas nun mundo globalizado e dixital.” - Representante do
Centro Europeo contra o Cibercrime (EC3), Europol.
13:00
– 4º Relatorio (45’) – “A Lei de Xustiza Electrónica: esa
gran descoñecida” – Prof. Dr. Julián Valero-Torrijos (Profesor
Titular de Dereito Administrativo, da Universidade de Murcia).
14:00
– Xantar.
Sesión
de tarde
16:00 – 5º
Relatorio (45’) – “O novo escenario xurídico-probatorio
perante a ilegalización da directiva europea de conservación de
datos” – Eloy Velasco (Maxistrado da Audiencia Nacional).
16:45 – 6º
Relatorio (45’) – “Dispositivos móbiles e novas tecnoloxías:
Síntome (in)seguro…” Raúl Siles Peláez (Analista en seguridade
informática e socio fundador de DinoSec).
17:30 – 7º
Relatorio (45’) – “O labor divulgativo e preventivo da policía
en materia de menores e de redes sociais.” – Carlos Fernández
Guerra (Responsábel da conta de Twitter da Policía Nacional
@policia).
18:30 – Clausura.