O CSIC incrementa en Galicia o seu persoal de persoal investigador funcionario con 15 persoas

O Consello Superior de Investigacións Científicas (CSIC) en Galicia incorpora a 15 persoas que acceden, como persoal funcionario de carreira polo sistema xeral de acceso libre, ás Escalas de Persoal Científico Titular e de Investigador Científico de Organismos Públicos de Investigación.
A adxudicación de destino e a correspondente toma de posesión foi na Misión Biolóxica de Galicia (MBG), o Instituto de Estudos Galegos Padre Sarmiento (IEGPS-CSIC, XUGA-), o Instituto de Investigacións Mariñas (IIM), o Instituto de Ciencias do Patrimonio (INCIPIT) e o Centro Oceanográfico de Vigo do Instituto Español de Oceanografía (IEO).
Os investigadores en Bioloxía Marta Francisco Candeira e Jose Manuel Miras Ávalos incorpóranse ao MBG. Pola súa banda, a doutora en Enxeñaría Informática Patricia Martín Rodilla incorpórase (co perfil de Humanidades Dixitais) ao IEGPS (Patricia Martín é doutora cunha tese que propón un modelo de deseño e desenvolvemento de ferramentas software que mellora substancialmente procesos de análises de datos dos investigadores en patrimonio cultural en comparación con modelos previos; ademais foi investigadora do CiTIUS da USC e do Laboratorio de Recuperación de Información da UDC).
Ademais, a bióloga Patricia Pereiro, o matemático Carlos Vilas, o biólogo Alejandro Garrido Maestu e o físico Jesús Manuel Pedreira Dubert incorpóranse ao IIM de Vigo.
Polo que respecta ao INCIPIT (Santiago de Compostela) reforza o seu labor con María Cruz Berrocal, doutora en Prehistoria pola Universidade Complutense de Madrid (2004), Antonio César González García, doutor en Astrofísica pola Universidade e Groninga (2003), Jorge de Torres Rodríguez, doutor en Prehistoria pola Universidade Complutense de Madrid, María Martín Seijo, doutora en Arqueoloxía e Ciencias da Antigüidade pola Universidade de Santiago de Compostela (2013), e José Cristóbal Carvajal López, doutor en Xeografía e Historia pola Universidade de Granada (2007).
Polo que atinxe ao Centro Oceanográfico de Vigo, fortalécese con Marta Álvarez Ballesteros, doutora en Ciencias Mariñas, Tecnoloxía e Xestión, Lucía Solino Alonso, doutora en Bioloxía pola Universitat Rovira i Virgili de Tarragona e Jorge Hernández, doutor en Bioloxía Mariña e Acuicultura pola Universidade de Santiago de Compostela.