O Concello da Coruña activa un espazo en liña dirixido a mulleres inmigrantes
luns, 11 de agosto do 2008
- Margarida Vázquez presetando o Programa Ada
A concelleira de Igualdade e Participación
Cidadá do Concello da Coruña, Margarida Vázquez, vén
de presentar o Programa Ada, un espazo de encontro para a comunicación e a
formación “semi-virtual” que vai
dirixido ás mulleres inmigrantes da localidade.
Esta iniciativa, que ten como obxectivo “crear unha rede de apoio a este colectivo”,
realízase no Centro Municipal da Muller e pretende fomentar a integración
socio-laboral e a participación activa das mulleres inmigrantes para dar lugar
á igualdade de xénero na Sociedade da Información.
Asemade, o devandito Programa ofrece
asesoramento e información para as súas usuarias, de xeito que poidan procurar
emprego a través de Internet ou levar a cabo unha serie de actividades relacionadas
coas novas tecnoloxías mediante o emprego dos recursos municipais.
A Concellaría de Igualdade pretende, deste
xeito, “crear unha rede propia de
mulleres” a través da cal “ofrecerse
apoio mutuo” na integración na Sociedade da Información e a Comunicación.