O Concello de Mos lanza aplicación móbil ao servizo da veciñanza
mércores, 6 de xuño do 2018
O
Goberno local de Mos vén de pór en marcha unha aplicación móbil
para manter á cidadanía informada en tempo real de todo o relativo
ás novidades do Concello e a actividade municipal. Trátase
de Bandomobil, que tamén salienta por abrir vieiros de colaboración
coa veciñanza en materia de comunicación de incidencias e de envío
de suxestións.
A
ferramenta, que foi presentada onte na Axencia local de Colocación
(mostrando aos veciños como baixar a aplicación nos seus
smartphones, como instalala e como tirar proveito da mesma e
das súas diferentes utilidades), vén da man da Concellería de
Novas Tecnoloxías que dirixe o edil Óscar Soto. Segundo informou,
“trátase dunha nova ferramenta que vai que a cidadanía estea
informada as 24 horas do día de calquera aviso ou información
emitida dende o Concello”.
Á a
súa vez, como dixemos, esta ferramenta dispón dun servizo de
comunicación directa de incidencias, propostas e consultas
municipais, “de xeito que as usuarias e os usuarios poidan enviar
comunicacións sobre a caída dun árbore, sobre o mal estado de
beirarrúas, ou sobre molestias por ruídos, entre outras moitas
cousas”, engadiu o concelleiro, explicando que ao devandito tamén
se engaden as posíbeis propostas de mellora sobre equipamentos
locais ou servizos que a veciñanza desexe facer.
Soto
explicou a este respecto que “debido a que hoxe en día o uso do
móbil está tan estendido, esta aplicación terá unha utilidade
sinxela, e de grande alcance para tódolos usuarios que se animen a
instalala e usala nos seus dispositivos”. O obxectivo, sinalou, é
que todo o mundo estea informado de forma instantánea de todo o que
aconteza no municipio; ao tempo que “sexa unha ferramenta que
promova a interactividade entre a administración local e o seus
habitantes, impulsando a proximidade e a mellora dos servizos e
prestacións municipais”.