O Concurso de Produción Audiovisual de CeMIT xa ten gañadoras/es
mércores, 12 de decembro do 2012
O
Plan de Dinamización
2012 da Rede de Centros
para a Modernización e Inclusión Tecnolóxica de Galicia (CeMIT) vén
de dar a coñecer o
resultado do Concurso de Produción Audiovisual, unha iniciativa
inserida no dito Plan de Dinamización da Rede CeMIT. O concurso en
cuestión, promovido pola Axencia para a Modernización Tecnolóxica
de Galicia (AMTEGA), nace coa vontade de dar o merecido recoñecemento
aos traballos dos alumnos/as do Curso de Produción Audiovisual
levado a cabo entre outubro e novembro nas aulas CeMIT de 39
concellos galegos. Emporiso, os premiados/as foron tres: Patricia
Costas Salgueiro (da aula CeMIT de Vigo) polo mellor guión literario
con La
dictadura de lo ajeno,
Henar Alonso Lomba (da aula CeMIT de Tui) polo mellor guión técnico
con A
viaxe de UxÃa;
e Francisco Javier Pita (da aula CeMIT de Pontedeume) pola mellor
montaxe con Deja
Vu.
Dicir
que foron 326 traballos os que se presentaron nas categorÃas de
mellor guión técnico, mellor montaxe e mellor guión literario,
sendo os premios recibidos polos gañadores un netbook
para o mellor guión técnico, un reprodutor blu-ray
para o mellor guión literario e unha videocámara dixital para a
mellor montaxe. O xurado encargado de elixir aos galardoados estaba
composto entre outros polo profesor do curso de produción
audiovisual, quen valorou a orixinalidade, a creatividade, o
tratamento do tema, o esforzo e a dificultade.
Cómpre
engadir que ao longo da actividade, que durou 60 horas, os asistentes
tiveron que pasar todas as fases propias da elaboración dun produto
audiovisual, deténdose máis na edición de audio e vÃdeo. No curso
de Produción Audiovisual empregouse o sistema de videoconferencia e
videocolaboración das 39 aulas CeMIT participantes, facendo isto
posible a comunicación entre todos os participantes en tempo real a
través de imaxe, chat, etc.