O MSI Wind U115 podería chegar ás 25 horas de autonomía

A carreira pola autonomía dos equipos portátiles disparouse coa chegada dos ultraportátiles, pois destacaban por un consumo moi reducido, e así hoxe temos equipos que cun rendemento aceptable poden manterse moitas horas en funcionamento cunha única carga da súa batería, sendo un dos últimos logros conseguidos a este respecto unhas probas que fixeron nunha web xermana na que probaron a autonomía dun MSI Wind U115 cun disco híbrido SSD/HDD cunha batería de 9 celas, chegando a rexistrar 25 horas de duración correndo a aplicación Battery Eater.
O equipo funcionou dende as 20:20 horas dun día ata as 21:24 horas do día seguinte, de xeito que estivo operativo un total de 25 horas, 4 minutos e 16 segundos, o que non indica que esa sexa a duración da batería de 9 celas baixo un uso normal, pero estímase que a autonomía real do equipo estaría entre as 10,5 e as 25 horas, o que resulta impresionante especialmente se temos en conta que o seu prezo sería de só 619 euros (existindo tamén un modelo sen disco híbrido que reduciría o seu prezo a 489 euros), aínda que os modelos de serie veñen cunha batería se 6 celas (que promete unha autonomía dunhas 14 horas).