O Porto de Vigo revoluciona o ámbito da vixilancia cunha proba de drons e Intelixencia Artificial
xoves, 19 de maio do 2022
O
Porto de Vigo acolleu este 19 de maio a demostración final do
proxecto piloto desenvolvido pola operadora Orange, o centro
tecnolóxico galego Gradiant e o fabricante Ericsson para o uso de
aeronaves non tripuladas, Intelixencia Artificial e tecnoloxía 5G
para a vixilancia do ámbito portuario.
Este
proxecto forma parte dos casos de uso coordinados por Red.es en todo
o Estado, e está enmarcado no Plan 5G de Galicia promovido pola
Xunta a través da Axencia para a Modernización Tecnolóxica de
Galicia (AMTEGA).
O
sistema mostrado aproveita as vantaxes da rede 5G para mellorar e
estender a cobertura das comunicacións entre as aeronaves non
tripuladas e o centro de control en terra, ademais de optimizar e
impulsar a transmisión de imaxes.
Na
súa materialización foi decisivo o uso da Intelixencia Artificial
para a análise de vídeo, xa que esta permite a este sistema de
control detectar persoas non autorizadas e xerar avisos en tempo real
que alerten ao centro de control de posíbeis intrusións.
A
demostración foi seguida polo presidente da Autoridade Portuaria de
Vigo, Xesús Vázquez Almuiña; a directora xerente da operadora
pública galega RETEGAL, Pilar Chapela Villanueva, en representación
da Xunta; o director de Servizos Públicos Dixitais de Red.es,
Francisco Javier García Vieira e a responsábel do Plan Nacional 5G
para Galicia, Lara Rubianes Escribano. Participaron tamén
representantes das tres compañías que desenvolveron o proxecto.
A
directora xerente de RETEGAL, Pilar Chapela, destacou a “enorme
importancia que a 5G ten para Galicia” ao tratarse dunha tecnoloxía
“esencial na extensión da transformación dixital en todos os
ámbitos sociais e económicos, e sobre todo nos casos nos que poidan
existir dificultades de despregadura por razóns xeográficas ou de
dispersión da poboación”.
30
casos en Galicia
Galicia
acolle 13 casos de uso liderados por Orange e outros 12 liderados por
Telefónica. Ademais destes dous proxectos asignados a Galicia e
xestionados por Red.es, na nosa terra lévanse a cabo outros 5
pilotos xestionados directamente polo Nodo 5G de Galicia. En total,
30 proxectos que implican investimentos que superan os 22 millóns de
euros e que integran 39 entidades públicas e privadas entre
participantes, axentes colaboradores e clientes.
Os
proxectos desenvolvidos en Galicia abranguen ámbitos como a
tele-medicina, a industria, a agricultura, a loita contra os
incendios, o turismo ou a banca en zonas rurais, entre outros.
As
vantaxes da 5G
Na
demostración deste xoves 19 no Porto de Vigo a operadora Orange
destacou do sistema desenvolvido a súa capacidade para aproveitar as
vantaxes da rede 5G e “mellorar e estender a cobertura das
comunicacións entre as aeronaves non tripuladas e o centro de
control en terra, ademais de optimizar a transmisión de imaxes”.
Así, grazas á rede 5G conséguese “unha latencia mínima e unha
gran fiabilidade para a transmisión de datos, dous parámetros
esenciais para a toma de decisións autónomas en operacións con
drons”, apuntou Orange, poñendo o foco noutro dos puntos fortes do
sistema: a súa capacidade para explotar as capacidades de
computación das redes 5G, a través do Multi-access Edge
Computing (MEC, un servidor situado moi próximo á rede) que
permiten reducir a latencia no procesado de imaxe fronte a unha
solución despregada na nube.
Este
proxecto enmárcase no Plan Nacional 5G, o programa para o
desenvolvemento de proxectos piloto de tecnoloxía 5G que executa
Red.es, impulsado polo Ministerio de Asuntos Económicos e
Transformación Dixital e co-financiado co Fondo Europeo de
Desenvolvemento Rexional (FEDER) e a través da UTE formada por
Cinfo, Orange, Gammera Nest e Optare Solutions.
Quen
queira máis información do proxecto tena
na web habilitada pola operadora arredor dos proxectos 5G da nosa
terra.