O Prime Day celebrarase os dÃas 21 e 22 de xuño
mércores, 2 de xuño do 2021
A pandemia levou a que o ano pasado Amazon tivese que adiar
o seu Prime Day ao mes de outubro, e este ano sorprenden ao non recuperar a
súa data habitual (o mes de xullo) e celebrar as súas xornadas de grandes
rebaixas os dÃas 21 e 22 de xuño.
Estas xornadas de rebaixas que en ocasións anteriores teñen mellorado en
resultados ao Black Friday, combinan tanto ofertas durante 48 horas como outras
por tempo moi limitado, levando aos usuarios a visitar a tenda en liña de
Amazon numerosas veces, o que fai máis doado que aproveiten algunha das máis de
2 millóns de ofertas previstas.
Lembremos que o Prime Day é unha
campaña promocional cun obxectivo dobre, xa que tanto persegue dinamizar as
vendas (moi especialmente de produtos de marcas de Amazon) como atraer
subscritores a Prime, servizo de pagamento que ofrece gastos de envÃo se custo
adicional e acceso a contidos de vÃdeo, música, lectura e videoxogos,
conseguindo asà sumar valor para fidelizar aos usuarios e asà fomentar que dean
prioridade a Amazon á hora de realizar as súas compras en liña.
Algunhas das promocións que estarán dispoñibles durante o Prime Day serán a
posibilidade de probar de balde por primeira vez os servizos de Amazon Music e
Kindle Unlimited durante 4 e 3 meses respectivamente, gozar de até un 50% en
dispositivos Amazon e aforrar un 20% en prendas seleccionadas de Amazon Fashion
e produtos Amazon Basics e incluso poder contar con até un 30% de aforro en
centos de produtos de supermercado en Amazon Fresh.
Como medida de apoio ás pemes, Amazon tamén ofrecerá 10 euros de saldo
promocional para gastar no Prime Day a quen gaste 10 euros en artigos vendidos
por pequenas e medianas empresas de España.