O Rosal avanza en eAdministración co servizo de certificados de empadroamento
xoves, 23 de agosto do 2018
O
Concello do Rosal (Pontevedra) puxo en marcha con este verán un novo
recurso práctico de eAdministración co que ir completando o paquete
de ferramentas acubillado na súa Sede Electrónica. Trátase
dun servizo para que os cidadáns poidan solicitar o seu certificado
de empadroamento a través da devandita plataforma dixital local.
Os requirimentos que se piden aos solicitantes é que dispoñan do
DNI electrónico, de certificado dixital ou dun sistema de clave
concertada Cl@ve para verificar a súa identidade e acceder á Sede
Electrónica do Concello do Rosal.
Amais
da devandita funcionalidade, a plataforma tecnolóxica tamén pon a
disposición da veciñanza os seguintes servizos: Portal de
Transparencia, Validación de Documentos, Perfil de Contratante,
Factura Electrónica e acceso a Órganos Colexiados. Tamén permite á
cidadanÃa, entre outras cousas, facer instancias xerais e enviar
queixas e suxestións. Igualmente, fornece aos usuarios de
ferramentas personalizadas sobre a súa actividade coa Administración
local: datos persoais, rexistros presentados, portafirmas ou caixa de
correo.