O Senado aproba unha moción para garantir a neutralidade de rede
mércores, 1 de decembro do 2010
Finalmente o
Senado aprobou unha moción a favor da neutralidade de rede co apoio de
todos os grupos, tras votar
en contra dunha iniciativa semellante hai un par de semanas, o que provocou
unha mobilización
na web por parte de cidadáns e empresas, que aÃnda segue vixente pois, polo
momento, o compromiso da Cámara queda na realización dun novo debate sobre o
tema, para establecer mecanismos que garantan o principio de neutralidade de
rede, que polo momento parece estar bastante lonxe de tomar forma de lei.
A
moción presentada onte e aprobada hoxe recolle que «o Senado insta ao Goberno a modificar de xeito urxente, en todo aquilo
que sexa preciso e tendo en conta o marco da normativa europea sobre
comunicacións electrónicas, a normativa española en dita materia, a fin de
garantir o cumprimento por parte de provedores de telecomunicacións que operan
en España dos principios de neutralidade, asegurar que os paquetes de datos que
circulan polas súas redes reciban sempre o mesmo tratamento, sen prioridade nin
xerarquÃa, independentemente do seu contido, orixe, destino ou protocolo, e sen
que se filtre o tráfico de xeito algún, para privilexiar, limitar ou impedir o
acceso a determinadas páxinas ou servizos».