O Tour de Francia estrea xogo descargable para Xbox 360
mércores, 15 de xullo do 2009
No medio da
celebración do Tour, chega
ao Bazar do Xbox LIVE por 800 puntos (9,6 euros) o videoxogo Tour
de France 2009, un xogo oficial desenvolvido por Cyanide Studios
que permite elixir entre os 18 equipos ciclistas que competirán durante 21
etapas da actual edición da volta ciclista a Francia. O xogo conta cun modo de
ata 4 xogadores que poden enfrontarse en liña. Os usuarios que non teñan unha
Xbox 360 tamén poden gozar do Tour nunha versión
do Pro Cycling Manager para PC ambientada na competición gala.
Pero o Tour non foi a única chegada de hoxe ao Bazar en liña da Xbox 360, senón
que tamén chegou
a agardada edición especial de Monkey
Island, un remake do
clásico xogo de LucasArts que conserva a xogabilidade orixinal pero actualiza
os seus gráficos para a alta definición (a 1.080p), conservando incluso as
voces do elenco orixinal da saga Monkey Island, con música remasterizada con
instrumentación en directo e unha perfecta transición de escenas para cambiar
entre a edición especial e a clásica (cos gráficos orixinais pixelados) en calquera momento. O seu
prezo tamén é de 800 puntos, coma o que custa a 3ª novidade do dÃa, Madballs
Babo: Invasion, xogo de acción orientado á competición multiusuario.
Os 3 xogos do dÃa contan coa súa respectiva versión de demostración de balde.
