O ZX Spectrum volverá en forma de consola de videoxogos
martes, 2 de decembro do 2014
Na
década dos 80 o ordenador persoal doméstico máis popular foi sen dúbida o ZX
Spectrum creado por Sir Clive Sinclair, e para os nostálxicos están a emprender
unha campaña
de micromecenado que faga posible recuperar este equipo como unha consola de
videoxogos doméstica capaz de correr os máis de 14 mil xogos que chegaron a
comercializarse para esta plataforma que vendeu máis de 5 millóns de unidades
no seu dÃa.
- A consola poderá correr practicamente calquera xogo de Spectrum
O Sinclair Spectrum Vega, comercializado por Retro Computer Ltd., unha empresa
con sede en Luton e participada por Sinclair Research Ltd., conta coa licenza
de Sky In-Home Service Ltd. (empresa que mercou os dereitos do Spectrum a
Amstrad) para poder producir este curioso dispositivo que poderá conectarse ao
televisor ou a un monitor de ordenador para poder gozar dun milleiro de xogos
que incluirá de fábrica e aos que se engadirán moitos outros a xeito de
descarga totalmente de balde (sendo tamén posible cargar outros xogos mediante
tarxetas SD).
A campaña de micromecenado en Indiegogo busca financiar a primeira edición de
1.000 consolas Vega, asà como preparar á compañÃa que a desenvolve para comercializar
unha segunda remesa. O prezo para poder facerse cunha destas consolas retro é de 100 libras esterlinas (151,50
euros incluÃndo os portes) e os seus mecenas comezarán a recibir os equipos o
vindeiro mes de abril.
VÃdeo promocional do proxecto de micromecenado que busca recuperar o Spectrum
ACTUALIZACIÓN (3-12-2014): O produto conseguiu completar o seu financiamento en menos de 2 dÃas.