O mago Íñigo Sáenz de Urturi introduciranos na comunicación intelixente na era dixital, o día 8 en Santiago
mércores, 6 de novembro do 2013
O
Colexio Profesional de Enxeñaría en Informática de Galicia (CPEIG)
está
a ultimar estes días unha actividade de seu
sobre metodoloxías para expresarnos nunha contorna corporativa.
Falamos dun obradoiro-curso
que busca achegar
aos asistentes diversas metodoloxías para incrementar as
posibilidades de acadar algo que nos tempos que corren, con axendas
tan apertadas, é cada vez máis complexo. Referímonos a comunicar
exactamente o que queremos comunicar, e aínda por enriba facelo ben.
O curso
Expres-Arte
virá da man do mago e empresario
Íñigo Sáenz de Urturi, e
xirará arredor
da comunicación intelixente na era dixital. A charla formativa terá
lugar o vindeiro día 8 de novembro na Escola Galega de
Administración Pública, en Santiago de Compostela, de 19.00 a
21.00 horas.
O
CPEIG proponse, coa organización deste curso, promover a innovación
en aspectos relacionados coa comunicación oral no eido empresarial
mediante o fomento de competencias, habilidades e o coñecemento de
metodoloxías complementarias que axudarán aos asistentes a coñecer
o poder da palabra. Segundo o relator, “a interacción persoal, a
comunicación oral, é vital e non se obvia, nin sequera se pode
enmascarar a través dun e-mail, un tuit ou un SMS porque subxace.
Por
este e outros motivos, engade,
“é
transcendente realizala de xeito eficaz e intelixente para maximizar
o tempo e os recursos”, apunta Sáenz de Urturi.
A
cota de inscrición para asistir ao curso Expres-Arte é
a seguinte: membros colexiados ou precolexiados, de balde; non
colexiados e non precolexiados, 10 euros. Para inscribirse,
cómpre
cubrir o formulario de inscrición dispoñíbel
no
portal do CPEIG.
Lembrar
que Íñigo Sáenz de Urturi é un experto en comunicación
interpersoal. A súa carreira como mago profesional durante máis de
28 anos concédelle un alto grao de entendemento dos patróns da
comunicación humana que, unido á súa experiencia en dirección
comercial e xerencia da súa empresa, Be Magic S.L., conforman un
perfil atractivo que xa lle valeu o alcume de O Mago da
Comunicación.