O programa Fábrica Intelixente e Sustentable chega á súa 5ª edición
xoves, 6 de xullo do 2023
A Axencia Galega
de Innovación (Gain) da Xunta de Galicia celebrou
esta mañá en Santiago de Compostela unha xornada informativa da quinta
edición da convocatoria do programa Fábrica Intelixente e Sustentable. Esta
liña de axudas, que se publica hoxe no Diario Oficial de Galicia (DOG) e
cuxo prazo de solicitude estará aberto desde mañá até o vindeiro 2 de outubro,
está dirixida a apoiar iniciativas empresariais de I+D+i de carácter
estratéxico para o tecido industrial galego e que se centrarán no desenvolvemento
de tecnoloxÃas dixitais e verdes que serán fundamentais para acadar un modelo
produtivo máis innovador. As axudas desta convocatoria son susceptibles de
cofinanciamento pola Unión Europea no marco do programa Feder Galicia 2021-2027.
A directora da
Axencia Galega de Innovación, Patricia Argerey, contextualizou esta liña de
axudas no reto de impulsar un novo modelo industrial en Galicia baseado na
innovación e nas prioridades europeas da dixitalización e a transición verde,
prioridades recollidas na nova Estratexia de Especialización Intelixente (RIS3)
de Galicia.
Argerey animou ao
centenar de asistentes á xornada a presentar solicitudes a esta convocatoria
que persegue, entre outros obxectivos, estimular que as empresas leven a cabo a
súa I+D+i en Galicia, actuar como elemento tractor na mobilización e atracción
de capital privado, impulsar a competitividade do noso tecido empresarial e
favorecer a cooperación entre organismos de investigación e tecido produtivo.
Ademais,
representantes das empresas Benteler, Finsa e Estrella Galicia, beneficiarias
en anteriores edicións deste programa, expuxeron a súa experiencia. Benteler, a
través do proxecto FIBER 4.0, deseñou e desenvolveu unha factorÃa intelixente
dedicada á fabricación dun innovador eixe traseiro rÃxido para a industria da
automoción. Finsa implementou na súa fábrica de Ourense un novo modelo de
factorÃa orientada á fabricación sustentable, flexible, eficiente e customizada
de novos produtos de madeira de alto valor engadido. Estrella Galicia, pola súa
banda, liderou un proxecto de investigación no que se mesturan a biotecnoloxÃa
e as ferramentas 4.0 na industria agroalimentaria para o desenvolvemento
acelerado de novas formulacións.
24 millóns de euros para apoiar proxectos até 2026
Dotada con 24
millóns de euros prevé mobilizar 70 millóns para apoiar o desenvolvemento de
proxectos até 2026 que permitan seguir avanzando nun cambio de modelo
sustentado na competitividade e no coñecemento incrementando a intensidade
tecnolóxica da estrutura industrial galega.
As axudas teñen
unha intensidade de entre o 15 e o 60% segundo o tipo de entidade e proxecto e
dirÃxense tanto a pemes como a grandes empresas, asà como a organismos de
investigación que desenvolvan un proxecto de I+D en colaboración cunha ou
varias compañÃas. Apoiaranse tanto proxectos de I+D, como iniciativas de
innovación en materia de procesos ou organización (tanto individuais como en
cooperación).
A duración dos
proxectos é de catro anualidades (estenderase até o 30 de setembro de 2026) e o
orzamento dos proxectos, entre os 2 e os 25 millóns de euros. Entre as
novidades desta edición atópanse a necesidade de presentar un informe positivo
do cumprimento do principio de non causar dano significativo e un plan de
comunicación e difusión do proxecto.
