O proxecto de libro dixital E-DIXGAL prevé chegar a 6.000 alumnos o vindeiro curso
luns, 10 de agosto do 2015
A ConsellerÃa de Cultura, Educación e Ordenación
Universitaria publicou xa a resolución provisional pola que se incorporan novos
centros ao proxecto de libro
dixital E- DIXGAL, enmarcado no Proxecto Abalar, estratexia para
integración das TIC no ensino desenvolvida pola Xunta de Galicia. O previsto é
que no vindeiro curso 2015/2016 os materiais dixitais, que son totalmente
gratuÃtos para as familias, cheguen
a un total de 6.000 alumnos de 5ºe 6º de primaria e 1º de ESO.
Segundo a resolución provisoria, incorporaranse á iniciativa o vindeiro curso
un total de 26 centros, dos que 13 serán de educación primaria e 13 de
secundaria. Nos 6 restantes impártense as dúas etapas. Deste xeito, o número
total de centros participantes no proxecto elevarase a 110.
Os contidos didácticos albérganse nunha plataforma de aprendizaxe virtual á que
os alumnos poden acceder, tanto en liña como fóra de liña, a contidos
curriculares completos e gratuÃtos para as familias, facilitados pola Xunta,
como a aqueles elaborados polos propios docentes dos centros educativos. Nesta
plataforma, os centros que o desexen poderán analizar unha mostra dos novos
contidos dispoñibles para este curso.
No curso 2014/2015 xa gozaron destes materiais un total de 2.300 estudantes de
5º de Primaria de 84 centros educativos de toda Galicia.