O xogo na nube de Xbox prepárase para grandes avances ao longo do ano
venres, 11 de xuño do 2021
O
vindeiro domingo retransmitirase unha grande
presentación centrada nos estudios de videoxogos de Xbox, entre os que
agora está Bethesda, pero Microsoft non só está a apostar por un impresionante
catálogo de xogos, senón que tamén está a perseguir o achegamento dos
videoxogos ao público máis amplo posible, para o que cren que o servizo Xbox
Game Pass pode xogar un rol fundamental.
As liñas que debuxa Microsoft están máis claras que nunca, de xeito que
manteñen as consolas Xbox Series X|S como a plataforma ideal para gozar dos grandes
videoxogos, pero tamén avanzaron que están a colaborar con fabricantes de
televisores para que integren a experiencia de Xbox de xeito que pagar gozar do
seu xogo na nube só sexa preciso adquirir un mando. Tamén anunciaron que están
a actualizar os servidores que alimentan esta plataforma, de xeito que o
xogo na nube estará baseado en Xbox Series X, o que suporá tempos de carga
máis rápidos e un mellor desempeño gráfico.
Neste momento o xogo na nube de Xbox está orientado principalmente a dispositivos
móbiles con Android, pero están abrÃndose a navegadores web para poder chegar tamén
a iOS e a equipos informáticos, aÃnda que ao longo deste ano aseguran que darán
un paso máis aló, e permitirá gozar dos xogos na nube directamente dende a
aplicación de Xbox para PC, o que pode resultar moi práctico, xa que permitirá
poder probar un xogo antes de descargalo.