Ocean´s lanza a súa tarifa Mega 19 con 70 minutos gratuítos para chamadas a fixos e móbiles
mércores, 20 de febreiro do 2013
A operadora galega Ocean´s
vén de presentar unha nova tarifa no catálogo de seu: a Mega 19.
Este servizo, que cobre o oco que ficaba baleiro entre a Mega 9 e a
Mega 25, diríxese a satisfacer as demandas dun bo número de
clientes da compañía e usuarios das redes sociais, poñéndolles á
súa disposición, entre outras cousas, 70 minutos gratuítos para
chamadas a fixos e móbiles nacionais as 24 horas, 2 Xb e máis o
envío de 100 SMS. Ademais, fornece servizos de VoIP e tethering.
“Coma sempre”, explica a
empresa, “o cliente pode navegar todo o que queira porque non
imos cobrarlle polo exceso senón que gozará da redución de
velocidade a 128 kbps”. As chamadas, unha vez superados os 70
minutos gratuítos que inclúe a tarifa, cobraranse a 7 céntimos o
minuto cun establecemento de chamada de 15 céntimos. O novo servizo
de Ocean´s acompáñase na súa irrupción no mercado dunha
promoción especial de seu. Esta promoción inclúe a achega dun
Samsung Galaxy SIII mini de balde, contratando a devandita tarifa.
As condicións da promoción son as seguintes: está indicada só
para portabilidades cunha antigüidade mínima de 6 meses no operador
que fai a doazón e suxeita a unha permanencia de 24 meses. Ficará
activa ata que se esgoten as unidades. Doutra banda, indicar que os
contratos de promocións especiais serán tratados “en rigorosa
orde de chegada sen prioridade sobre os habituais”. E engade a
empresa galega: “Como circunstancia excepcional, nesta promoción
non se admitirán portabilidades desde Movistar”. Ademais desta
oferta especial, sinalar que o cliente ten marxe de liberdade para
consultar o amplo catálogo de smartphones a cero euros ou con
descontos que ofrece a Mega 19.