Os HomePod poden funcionar con YouTube Music de xeito predeterminado
luns, 23 de outubro do 2023
Os altofalantes
conectados de Apple, os HomePod,
teñen entre as súas grandes eivas o limitar extraordinariamente a cantidade de
servizos musicais cos que pode funcionar de xeito nativo, estando extrardinariamente
ligados a Apple Music, polo que poden non adaptarse ás necesidades de moitos
usuarios.
Conscientes de que non todos os usuarios de produtos de Apple queren empregar
os seus servizos, abriron os HomePod ao servizo musical Pandora (bastante popular
nos EE.UU.) e, finalmente, sen facer moito ruÃdo, veñen
de incorporar YouTube Music aos HomePod. Deste xeito, os usuarios do
servizo musical de pagamento de Google (incluÃdo en YouTube Premium) que teñan
algún HomePod, poden configurar
os altofalantes para que de xeito predeterminado empreguen como servizo musical
YouTube Music, de xeito que cando invoquen a través de Siri algún contido
musical o trebello non se conectará a Apple Music, senón que optará por tirar
da música da plataforma de Google.
Polo momento os HomePod non incorporan soporte nativo para Spotify, Amazon
Music e TIDAL, polo que podemos entender que Apple non quere pór as cousas
doadas aos seus competidores máis duros. Cómpre mencionar que os altofalantes
de Google si permiten a súa configuración con Apple Music, polo que a novidade
dos HomePod poden ser consecuencia dun acordo de reciprocidade.