Os autobuses universitarios de Vigo estrean rede Wi-Fi
venres, 10 de decembro do 2010
Dende hoxe, todos os pasaxeiros que viaxen á Universidade de Vigo poderán
conectarse á rede
Wi-Fi que ofrece Vitrasa e que pretende dar acceso a Internet sen custos aos
universitarios que a diario se desprazan ó Campus. Vigo convértese deste xeito
na única cidade galega que ofrece conexión a Internet nos seus autobuses
urbanos.
O novo servizo foi
presentado hoxe polo alcalde de Vigo, Abel Caballero, e o concelleiro de
Mobilidade, Xulio Calviño, xunto co director xeral de Vitrasa, Juan Carlos
Villarino, quen declarou que «actualmente
Internet é unha ferramenta indispensable para a maiorÃa das persoas e con esta
iniciativa pretendemos facilitar o traballo diario dos estudantes e profesores
que se dirixan ao campus en transporte público. Con este servizo queremos
ademais, manter a nosa aposta polas novas tecnoloxÃas que xa iniciamos coa
iniciativa SMbuS ou co cálculo de rutas na web entre outros». Tamén engadiu
que os motivos levaron a Vitrasa a decantarse polas liñas á Universidade como
as idóneas para a implantación deste servizo son que «contan con percorridos longos e a maiorÃa dos pasaxeiros fan o
traxecto completo. Ademais, a maior parte dos viaxeiros son alumnos e
profesores do campus universitario que se dirixen diariamente ao seu centro de
estudos, polo que poden aproveitar este servizo para tarefas profesionais ou
para facer máis entretida a súa viaxe».