Os centros de saúde e hospitais poderán facilitar o acceso a É-Saúde con Chave 365
luns, 10 de outubro do 2016
O
Diario Oficial de Galicia publica hoxe a resolución que habilita aos
centros de saúde e hospitais do SERGAS como centros acreditadores do servizo
Chave 365, que permite, entre outras funcionalidades, a consulta e xestión de
datos clÃnicos e persoais en teléfonos móbiles ou tabletas a través da plataforma É-Saúde. É unha alternativa ao
uso de certificados electrónicos para as xestións en liña coa Administración,
coa vantaxe de que pode utilizarse dende dispositivos móbiles.
A plataforma É-Saúde é unha ferramenta tecnolóxica de servizos
sanitarios que posibilita que o paciente poida acceder dende o seu móbil,
ordenador ou tableta, a servizos e contidos personalizados, e, deste xeito,
consultar e xestionar as súas citas, revisar a súa folla de tratamentos, os
informes de alta e de probas diagnósticas radiolóxicas ou de laboratorio
rexistradas na súa historia clÃnica electrónica, entre outras prestacións.
Tamén permite acceder á axenda de citas en atención primaria ou
especializada actualizada, posibilitando completala con eventos persoais de
maneira que o paciente, dende o propio móbil, poida consultar cando ten que
recoller unha receita na farmacia, ir a unha consulta médica, realizar unha
proba diagnóstica, ou facer as actividades de promoción da saúde que houbera
programado.
A plataforma posibilita, ademais, o acceso a todos os cursos de
formación da Escola Galega de Saúde para Cidadáns e dos cursos desenvolvidos
polas asociacións de pacientes. Asà mesmo, poderá consultar servizos ou
participar nas comunidades entre o seu persoal médico e de enfermerÃa e outros
pacientes, e nas asociacións de pacientes que lle permitan contactar con outros
doentes cos que comparta dúbidas ou recomendacións de hábitos de vida.