Os servizos de atención da Deputación da Coruña funcionarán só por vía telefónica ou telemática
martes, 17 de marzo do 2020
A
Deputación da Coruña aposta de cheo polo traballo a distancia para
afrontar da mellor maneira posíbel a crise do COVID-19, reducindo ao
máximo a actividade presencial (agás servizos esenciais e persoal
directivo). Isto é aplicábel aos servizos de atención ao público
da entidade provincial, que
segundo anunciou onte a Deputación “funcionarán de maneira
exclusiva por vía telefónica ou telemática”, co fin de
evitar situacións risco de contaxio para a cidadanía.
A
fórmula do traballo online estendeuse a todo o funcionariado
da institución, que tamén pechou os seus centros educativos,
culturais e etnográficos.
Amais,
tamén se suspenderon todos os prazos para a tramitación de
procedementos e do conxunto das entidades do sector público
municipal.