Ourense estrea mañá unha nova tenda Apple Premium Reseller
luns, 17 de decembro do 2012
O Apple Premium Reseller con presenza en Santiago de Compostela
e Vigo, AS Computer, abrirá mañá unha
nova tenda na rúa Curros EnrÃquez, 16 de Ourense, para ofrecer aos seus
clientes na cidade das Burgas a posibilidade de coñecer e experimentar de
primeira man os produtos de Apple nun contorno óptimo. O novo establecemento
ofrecerá a gama completa de ordenadores Mac e dispositivos iPad, iPhone e iPod,
xunto cunha ampla selección de accesorios.
A inauguración da nova tenda terá lugar ás 19:00 horas, e os asistentes á festa
de apertura poderán participar en sorteos e recibir agasallos: os 10 primeiros
en entrar gañarán un iPod shuffle, os primeiros 500 recibirán un agasallo
conmemorativo e sortearanse cheques de agasallo por valor de 20 euros de
desconto entre as 16:00 e as 18:00 horas e iPod shuffle, nano e Touch entre os
asistentes a partires das 19:30 horas. Os clientes que opten por adquirir un
novo ordenador Mac tamén poderán beneficiarse dun 10% de desconto especial.
Aparte da venda de produtos de Apple, os establecementos de AS Computer tamén
acollen periodicamente sesións de demostración e cursos de formación para
axudar aos seus clientes a tirar o máximo proveito das súas compras.